Hoppa yfir valmynd

Nýjar reglur um innanhússfjarskiptalagnir

Tungumál EN
Heim

Nýjar reglur um innanhússfjarskiptalagnir

16. desember 2015

Birtar hafa verið nýjar reglur um innanhússfjarskiptalagnir.  Póst- og fjarskiptastofnun (PFS) hefur unnið að endurskoðun á þessum reglum með hliðsjón af þeirri tækniþróun sem átt hefur sér stað á fjarskiptamarkaðnum. Er hér átt við hina auknu ljósleiðaravæðingu landsins, en koparheimtaugar voru ráðandi á markaðinum þegar fyrri reglurnar voru settar árið 2006. Við endurskoðunina yfirfór stofnunin öll ákvæði reglnanna með framangreint í huga. Var hagsmunaaðilum á markaði gefinn kostur á því að koma með athugasemdir og tillögur að breytingum vegna endurskoðunarinnar á meðan á henni stóð. Þá var kallað eftir frekara samráði við hagsmunaaðila um þær breytingar sem stofnunin hugðist gera á framangreindum reglum. Hinar nýju reglur nr. 1111/2015 hafa nú verið birtar í Stjórnartíðindum en með útgáfu þeirra falla eldri reglur nr. 1009/2006 úr gildi.

Helstu breytingar sem gerðar voru á reglunum eru eftirfarandi:

  • Mælt er fyrir um frávíkjanleika frá reglunum með samþykki húseiganda með undantekningum
  • Breytingar hafa verið gerðar á orðskýringum. Þar má m.a. sjá nýtt hugtak - splæsitenging, auk þess sem hugtakið húskassi hefur minna vægi og meira lagt í hugtakið inntak, og er það gegnumgangandi í reglunum.
  • Helstu breytingar varða 7. gr. reglnanna. Þar er nú kveðið á um heimild um að splæsitengja strengenda heimtaugar við innanhússlögn í inntaki, ef tveir þræðir innanhússlagnar liggja frá inntaki inn í hverja íbúð, að fengnu samþykki húseiganda
  • Búið að fjarlægja skyldu um innsigli
  • Þá hefur 12. gr. um upplýsingaskyldu húseiganda verið felld út
  • Nýtt ákvæði um eftirlit og úttektir af hálfu PFS sbr. 13. gr.
  • Nýtt ákvæði um upplýsingagjöf fjarskiptafyrirtækja til PFS sbr. 14. gr.

Hér fyrir neðan má nálgast annarsvegar drögin að hinum endurskoðuðu reglum sem birtar voru í samráði við hagsmunaaðila og hins vegar hinar nýju reglur nr. 1111/2015 um innanhússfjarskiptalagnir

Drög að breyttum reglum um innanhússfjarskiptalagnir (Word skjal með sýnilegum fyrirhuguðum breytingum)

Reglur nr. 1111/2015 um innanhússfjarskiptalagnir

 

Til baka