Hoppa yfir valmynd

Samráð við ESA um viðmiðunartilboð Mílu fyrir Ethernetþjónustu á heildsölumarkaði fyrir stofnlínuhluta leigulína

Tungumál EN
Heim

Samráð við ESA um viðmiðunartilboð Mílu fyrir Ethernetþjónustu á heildsölumarkaði fyrir stofnlínuhluta leigulína

23. nóvember 2015

Í dag sendi Póst- og fjarskiptastofnun (PFS) drög að ákvörðun um viðmiðunartilboð fyrir MPLS-TP Ethernetþjónustu Mílu á heildsölumarkaði fyrir stofnlínuhluta leigulína til ESA, Eftirlitsstofnunar EFTA.

Efnt var til innanlandssamráðs um nýtt viðmiðunartilboð Mílu um þetta efni þann 23. desember 2014 og stóð það til 10. febrúar sl. Athugasemdir bárust frá einum aðila, Vodafone.

Fyrirhuguð ákvörðun byggist á ákvörðun PFS nr. 21/2015, dags. 12. ágúst sl., um útnefningu Mílu með umtalsverðan markaðsstyrk á heildsölumarkaði fyrir stofnlínuhluta leigulína (fyrrum markaður 14). Samkvæmt henni skal Míla skila PFS endurskoðuðu viðmiðunartilboði eigi síðar en 12. febrúar nk., þ.á.m. varðandi umrædda Ethernetþjónustu.

Með ákvörðun PFS nr. 23/2015, dags. 12. ágúst sl., samþykkti PFS gjaldskrá Mílu fyrir umrædda þjónustu. Í því viðmiðunartilboði sem hér er til umfjöllunar eru fjallað um aðra skilmála fyrir veitingu þjónustunnar en verð.

Það er niðurstaða PFS í þeim ákvörðunardrögum sem í dag voru send til ESA til samráðs að samþykkja umrætt viðmiðunartilboð Mílu um MPLS-TP Ethernetþjónustu að svo stöddu. Eigi síðar en 12. febrúar nk. skal Míla skila PFS uppfærðu viðmiðunartilboði um leigulínuþjónustu, þ.m.t. um umrædda Ethernetþjónustu. PFS mun yfirfara hið uppfærða viðmiðunartilboð í kjölfarið og leggja til nauðsynlegar breytingar á því, áður en það fer í innanlandssamráð og samráð við ESA.

Skjalið á íslensku:
Drög að ákvörðun PFS - Viðmiðunartilboð Mílu fyrir Ethernetþjónustu á heildsölumarkaði fyrir stofnlínuhluta leigulína

Skjalið á ensku:
PTA´s draft decision - Mila´s Reference Offer for Ethernet services on the wholesale market for trunk segments of leased lines

 

Til baka