Hoppa yfir valmynd

Samráð við ESA um endurskoðun á heildsölugjaldskrá Mílu fyrir Hraðbrautarsambönd

Tungumál EN
Heim

Samráð við ESA um endurskoðun á heildsölugjaldskrá Mílu fyrir Hraðbrautarsambönd

23. nóvember 2015

Í dag sendi Póst- og fjarskiptastofnun (PFS) drög að ákvörðun varðandi gjaldskrá Mílu fyrir Hraðbrautarsambönd til ESA, Eftirlitsstofnunar EFTA.

Fyrirhuguð ákvörðun kemur í stað ákvörðunar PFS nr. 24/2015 varðandi endurskoðun á gjaldskrá Mílu fyrir Hraðbrautarsambönd, en sú gjaldskrá tók gildi 1. október sl.

Niðurstaða kostnaðargreiningar á Hraðbrautarsamböndum er að leigugjald fyrir 1 Gb/s haldist óbreytt 95 þús. kr. á mánuði, en leigugjald fyrir 10 Gb/s lækki úr 160 þúsund kr. í 120 þúsund kr. á mánuði.

Þá hyggst Míla bjóða 100 Gb/s Hraðbrautarsambönd á tilteknum leiðum. Samkvæmt kostnaðargreiningu Mílu verður leigugjald fyrir 100 Gb/s Hraðbrautarsambönd 655 þúsund kr. á mánuði.

Mánaðarverð Hraðbrautarsambanda eru föst og óháð vegalengdum en þau hafa verið í boði hjá Mílu á stöðum innan Höfuðborgarsvæðisins og á Suðurnesjum. Stofngjald fyrir Hraðbrautarsamband helst óbreytt, 107 þús. kr. á tengingu.

Á tímabilinu 19. október til 9. nóvember sl. fór fram innanlandssamráð um umræddar breytingar á gjaldskrá Mílu. Engar athugasemdir bárust.

Ákvörðunardrögin eru nú send til ESA og annarra eftirlitsstofnana á EES-svæðinu til samráðs, með vísan til 7. gr. laga nr. 69/2003 um Póst- og fjarskiptastofnun og 7. gr. rammatilskipunar ESB nr. 2002/21/EB. Umræddir aðilar hafa einn mánuð til að setja fram athugasemdir við ákvörðunardrögin. Eftir það getur PFS formlega tekið ákvörðun nema fram komi óskir frá ESA um að PFS dragi ákvörðunardrögin til baka. Ekki er gert ráð fyrir því að innlendir hagsmunaaðilar geri athugasemdir við ákvörðunardrögin að þessu sinni.

Eftirfarandi drög að ákvörðun PFS voru send ESA:

Íslenska:
Drög að ákvörðun PFS - Endurskoðun á heildsölugjaldskrá Mílu fyrir Hraðbrautarsambönd á markaði fyrir stofnlínuhluta leigulína
(áður markaður 14)


Ensk útgáfa skjalsins:
Draft Decision - Review of Mila wholesale tariff for the Metropolitan Data Highway (MDH) connections on the market for trunk line segments of leased lines
(previously Market 14)




Til baka